കൂറകള് ഇണചേരുന്ന
ദുര്ഗന്ധവും പേറി
പൊടിപിടിച്ചാ മുറിയുടെ
ഇരുണ്ട കോണിലെ
തുരുമ്പിച്ച കസാലയില്
കരിന്തിരി കത്തുന്ന വിളക്കും
വൃണങ്ങള് ഉണങ്ങാത്ത മനസ്സുമായ്
ജരാനരകളെ പഴിച്ചിരിക്കുംപോള്
ബന്ധങ്ങള് എന്നോ പൊട്ടിയ
ചങ്ങല കണ്ണിപോള്
വിളക്കി ചേര്ക്കാന് ആകാതെ
ജനാലക്കപ്പുറം നിന്നെന്നെ
നോക്കി പതിയെ ചിരിക്കുന്നു
ചിതലരിച്ച മുറിയിലെ
ചിതലരിക്കാന് മറന്ന
ചിത്രമായി എന്നെ കാണുന്നവര്
ഒരല്പം ദയതോന്നി
ഈ ചങ്ങല കണ്ണികള്
ഒന്നഴിച്ചു തന്നെങ്കില്
വൃണം പഴുത്ത കാലുമായി
ഞാന് തേടിപ്പോയാനെ
എന്നെ പുല്കാന് അറച്ചു
നില്ക്കുന്ന മരണത്തെ തേടി.
തമ്പുരാന്
22-04-2012
No comments:
Post a Comment